Sann om laulu sisse saanu
Avaldatud: 23 juuni, 2026
Sannalugu om sündünü võrokõsõst keeletiidläse ja luulõtaja Saarõ Evari luudu sõnno pääle. Muusiga, pillimänge kõrraldus ja suurõmb jago stuudiotüüst om Eliste Kaupo tettü. Kõgõ täpsämbält võissi Uniste Uitajate luku kutsu akustilisõs rokis, kohe om köidetu võromaa miil, kuraas ja ummamuudu helükiil. Laulu sõnno sündümine oll ummamuudu vigurdõga, vaim tull Saarõ Evaril pääle AC/DC luku „Dirty Deeds Done Dirt Cheap“ kullõldõn. Lauljas om Põlva kihlkunna miis Kaha Kaido ansamblist Kõtukõsõ (Kõhukesed).
Muusigavideo filmse ja säädse kokko Nagla Lauri Kahmapohla OÜ-st. Pääosan ast üles Tagametsa Tarmo.
Kae ja kullõ luku: https://www.youtube.com/watch?v=RytKdk8Qa7g