Lavvamängo- ja savvusannahuviliidsilõ om hää uudis: valmis om saanu savvusanna lavvamäng. Majakujolidsõ karbi seen omma mängolaud, mängokaardi, nupi ja oppus.

Mäng vii  seltskunna sanna. Kõik alostasõ mängo sanna iist moro päält, edesi saa minnä ederuumi, sis mõsuruumi ja lava pääle; sõs jäl mõsuruumist ederuumi ja säält muro pääle tagasi. Mängjä tsiht om säändsit täüstsõõrõ tetä ja punktõ korjada. Liiku saat sõs, ku kaardi laskva. Võidumiis om tuu, kinkal om pääle viimäst lõunõt kõgõ suurõmb punktisaak.

KAE MÄNGO OPPUST VÕRO KEELI TAST

Mänguseltskunnan saa olla 2–6 inemist, kõrvaltkaejit või alati olla. Kõgõ parõmbidõ saa mängi kuun uma perre vai sõpruga. Perrega mängen om hää, ku noorõmba kuuldva vanõmbidõ käest juttõ, kuiviisi suidsusannan käüdäs, midä sääl piät tiidmä ni mõistma, kuimuudu hinnäst üllen pidämä.

Käe kerges, silmä selges!

Mängo saat osta e-poodist Uma Puut

Mängukarbi mõõdi omma: pikkupiten 11 cm, laiust 10 cm, korgust 10 cm; mäng kaald  300 grammi. Tettü küländ kimmäst papist, karp käü kinni magnõtiga.

Mängu omma loonu  Laanõ Triinu, Oolbergi Taavi, Piiri Helen, Rahmani Jan, Toome Triin; kunstnik om  Margna Epp.

Välläandja: Võro Selts VKKF ja Võru Instituut.

 

Mängo saa viil põnõvambas tetä, ku egäüts vali mängu alostusõn hindäle üte tegelaskujo, kelle rollin mängo aigu püsüs. Tegeläse omma sändse: