Savvusann logo

Avaldatud: 2 June, 2015

Võttegrupp RBB

Lehekuu 23. pääväl, suistepüha puulpäävä, käve Saksa telekanali RBB filmipark Mooska talon suvitsiid sannatoimõndamiisi ja sannapäivä üles võtman. Kultuurihuvilidse külälidse saiva hummugust koni õdaguni vällä esi tetä ja nätä suurõmbat jaku suidsusanna manu käüväid tegemiisi – sanna kütmist, vihtu tegemist, liha suidsutamist, no ja muidoki käüti sannan. Pererahvas kõnel mi kandi rahvakombist laembalt, käüti mõtsast suistepühis kõivõ tooman ja umaette elamuses oll mõtsa alt söögis hainu otsmine.

Filmimaterjaali korjatas paari kuu joosul pikembä periselo-filmi jaos, mis näütäs inemiste elo ja olõmist Õuruupa Liidu piiri veeren Baltimaiest kooni Kreekani vällä.

Aastaga algusen käve Võromaal suidsusannu ja sannankäümist üles võtman Saksa tõne riiklik telekanal ZDF. Paariminutiline uudis oll eetrin 3. ja 4. radokuu pääväl uudistesaadeten. Lingitu saaten om suidsusannast juttu alaten 11 minutist:

http://www.zdf.de/ZDFmediathek#/beitrag/video/2334736/heute-in-Europa-vom-0302.2015