Avaldatud: 6 January, 2026

Suur teno kõikile, kiä joba om uma sannast teedä andnu! Tenos ja meelehääs sai kolmõkuningapääväl vällä loositus kõiki loendusõst osavõtjidõ vaihõl avvuhindu: kolm savvusanna lavvamängu ja kolm suidsulihapildiga sainakallendrit.

Kõik avvuhinna trehvi sannulõ, miä omma Eesti kagunukan. A tan kandin omgi suidsusannu kõgõ inämb, nii et sääne johtumine võidsõ tulla küll. Avvuhinna läävä Rõugõ valla Kuklasõ küllä, Võro valla Hinsa, Kärgula ja Paidra küllä, Setomaa vallan Toomasmäe küllä ja Valga vallan Väljaküllä. Loenduse läbiviija võtva mõnõ päävä joosul sannaumanigega ühendüst, et tenosõna üteldä ja avvuhind kätte toimõnda.

 

Täpsämbät teedüst saa:

Eichenbaumi Külli

Vana-Võromaa suidsusannu kuuntüükogost

kylli.eichenbaum@gmail.com

tel 5661 1924

<< Tagasi