Avaldatud: 16 September, 2020

Eesti helüluujidõ liidu ja LHV puult vällä antav vahtsõ helüloomingu Au-tasu preemia sai timahava Märt-Matis Lill teosõ „Suidsusannasümfoonia“ iist

Žürii liige Kerri Kotta ütel, et Märt-Matis Lille „Suidsusannasümfoonia“ om žanripiire ületäv teos, miä kaardistas soomõ-ugri alatiidvüse süvembit kihte ja vormistas tuu kunstilidselt mõovan vormin. „Teosõn kombineeritäs meisterligult hellü, sõnna ja visuaali, nii et noid saa-i lahuta, ja tuu kaudu luvvas samal aol määnestki vahtsõt muudu sünkretistlikkus, miä – olõmada kül traditsioonilidsen mõttõn religioosne – om täüs tugevat vaimset laengut,“ ütel Kerri Kotta.

Lõunõ-Eesti suidsusannaperimüst ja võro kiilt pruukva „Suidsusannasümfoonia esietendus oll 2. põimukuul 2019 Moostõ Folgikuan Vanal-Võromaal. Muusika autor om Märt-Matis Lill, lavastusmiiskunnan olli dirigent Kaspars Putniņš, lavastaja Tarmo Tagamets ja kunstnik Liisa Soolepp. Suidsusanna olõmusõst ja kõmbist jutustavat luku anni lavastusõn edesi perimüsmuusiku Mari Kalkun, Meelika Hainsoo, näütlejä Agu Trolla, Lauli Otsar, Sten Karpov ja Eesti Filharmoonia Kammerkoor, lüükpillimängjä Madis Metsamart ja Petri Piiparinen.

Žüriin olli esinaaanõ Tiia Teder (Klassikaraadio), 2019. aastal LHV Au-tasu saanu helüluuja Helena Tulve (EHL), muusikatiidläne Kerri Kotta (Eesti Muusikateaduse Seltsi esimiis) ja laulja Iris Oja.

LHV Au-tasu anti timahava vällä viiendät kõrda, varramba omma preemiä tõisi hulgan saanu Helena Tulve ja Erkki-Sven Tüür.

Ossi teosõst saa kullõlda Klassikaraadio saatõst: https://klassikaraadio.err.ee/1130030/nyyd-muusika-lhv-au-tasu-2020-mart-matis-lill-suidsusannasumfoonia?fbclid=IwAR0Xp3TnBj0oEtFEiujn5R2k6Hl5KtmI9PMdaCyKsd4yLB8mOJJiyYJ2pgc

Teleuudis: https://kultuur.err.ee/media/video/1095719?contentId=1135404

Teedüsse man om pilt, kon Märt-Matis Lill om sümfoonia harjotuse man EFK proovisaalin. Foto Anneli Ivaste.

<< Tagasi